اجيال الاندلس اجيال الاندلس
random

جديدنا

random
random
جاري التحميل ...

قصه هتغير حياتك - مراتك حياتك - زهق من المشاكل بعد 20 سنه جواز وفى الاخر اخد قراره

 



قصه هتغير حياتك - مراتك حياتك - زهق من المشاكل بعد 20 سنه جواز وفى الاخر اخد قراره


قصه هتغير حياتك - مراتك حياتك - زهق من المشاكل بعد 20 سنه جواز وفى الاخر اخد قراره

السلام عليكم ورحمة الله وبركاته أهلا بكل زوار ومتابعي ومشتركين موقع اجيال الاندلس اقدم لكم كل جديد من اخبار تعليمية ومناهج تعليمية وأخبار متنوعة و أخبار رياضية وعالمية وكل جديد في عالم المعرفة والثقافة والشعر والقصص القصيره والروايات المختلفة ومن خلال موقع اجيال الاندلس تستطيع الحصول علي كل ما تريد من كتب شامله ومعلومات في كافة المجالات المتعدده والمتنوعه 
وللتواصل الدائم مع اجيال الاندلس من خلال قنوات ومواقع وصفحات اجيال الاندلس اشترك في باقة اجيال الاندلس👀👇👇
موقع اجيال الاندلس وقناة اجيال الاندلس وقناة اجيال الاندلس TV  وصفحه اجيال الاندلس  وقناة فور كيدز صفحة قنوات اجيال الاندلس و تطبيق اجيال الاندلس   Become a Patron! ، تيك توك ، تيليجرام  ، انستجرام  ، تويتر


زهق من المشاكل ..🙄😔

20 سنة جواز ..

وفى الاخر اخد قراره ..

رجع من شغله وهوا ناوي علي ال في دماغه ..

قالت له احضر لك الغدا

قال لها .. لأ .. انا عايز اقولك على حاجة مهمه جدا 

متهيألى انا عملت كل اللى عليا

طول السنين اللى فاتت دي كلها 

بس انا مش قادر استحمل اكتر من كده 

وخايف انى اخسر اكتر من اللى خسرته

عشان كدة انا قررت انى ابعد خالص ..

مش هينفع اكمل حياتى معاكى مش مستحمل 

الولاد كبروا خلاص ...

وتقدروا تعتمدوا على نفسكم من غيرى

وانا كدة كدة هاسيب لكم اللى يكفيكم وزياده ..


كانت قاعدة قدامه متماسكة كعادتها دائما ..

مافكرتش تدافع عن نفسها ولو بنظره ..

رغم انها عارفة انه بيقابل واحدة تانية غيرها ..

كل اللى قالته له ..

محتاجة منك شهر واحد بس 

قال لها .. وايه اللى هيحصل فى الشهر ده

قالت له .. دا اخر طلب بطلبه منك  ..

اعتبره مكافأة نهاية الخدمة ياسيدي


سكت شوية وفكر  ..

وف الاخر قال لها .. شهر واحد مش اكتر من كده 


بكل كسرة قالت له .. ربنا يخليك لينا ياغالي 

بس انا عايزاك فى الشهر ده .. كل يوم تتغدى معانا

وبعد الغدا .. تشيلنى لحد الأوضة بتاعتنا 

قال لها .. ايه الكلام الغريب ده

قالت له ..

دى اول مرة اطلب منك طلب في حياتي .. ارجوك اقبل مترفضش 


بكل تعصب قال لها .. موافق لما نشوف اخرتها..

وف سره بيقول .. اهو شهر يعدى بالطول ولا بالعرض واخلص

وبعدها هابقى بحريتى وبراحتي 




تانى يوم رجع فى ميعاد الغدا .. وقعد على السفرة معاهم 

بص لولاده وهم بيحطوا الاطباق علي السفره ..

ومامتهم فى المطبخ بتحضر

لقاهم منظمين جداً .. نضاف جداً ..

بيحطوا له الاكل بمنتهى الأدب والذوق ..

قعد ياكل وهو بيراقبهم بعينيه ..

بقاله كتير ما أكلش معاهم

لقاهم بيتكلموا مع مامتهم فى حياتهم وظروفهم واحوالهم 

وهى بكل حكمة بترد عليهم براحه 


خلّصوا الاكل .. والولاد دخلوا اوضتهم

فضل قاعد مستنى الأم( زوجته ) عشان يشيلها لحد الاوضة

مر حوالى ساعة وهى واقفة بتنضف المطبخ بعد الغدا

وجات له .. قام لف ايديه حواليها وشالها

فى الاول كان مستغرب .. ومضايق ..

وصلها الاوضة .. وخرج علطول ..

عشان يرتب حاله عشان يخرج


تانى يوم .. اتكررت نفس الاحداث ..

كان متخيل انه هيتعب من شيل مراته بس اخد باله .. لأول مرة

انها خست جداً وبقت هزيلة جدا .. بس لسة جميلة اوي

تالت يوم وهو شايلها .. بص على شعرها من غير ما تاخد بالها

لقاه مليان خصلات بيضا ..

كان فى الاول بيرجع البيت وهو مضايق ..

بس بعد ما مر اسبوع .. بقى يستنى ميعاد رجوعه ..

عشان يطمن على ولاده وبيته 


مر حوالى نص الشهر ..

وكالعادة بعد ما شال مراته لحد الأوضة ..

لقى نفسه مش عايز يخرج تاني  ..

جاب كتاب .. وقعد يقرا فيه جنبها بس اخد باله .. ان مراته اخدت دوا قال لها ايه دا ..

ودى كانت اول مرة يتكلم معاها من بعد الاتفاق

قالت له .. ابداً .. دا مسكّن بسيط.. مصدّعة شوية من تعب اليوم 

كمّل قراية .. واعتذر عن الخروج فى اليوم ده

بعدها بيومين .. وهو شايل مراته كالعادة

لقاها لفت ايديها حوالين رقبته ..

ولأول مرة .. مايبقاش مضايق او عايز الوقت يعدّى لانه لقي الحب والحنيه اتحركوا 

عدّوا كمان 10 ايام ..

لقى نفسه بيرفع سماعة التليفون ..

الو .. انا اسف مش هينفع نتقابل تانى خلاص  ..

انا لازم اكون موجود فى البيت كل يوم الولاد محتاجني جنبهم 

اليوم اللى بعدها ..

اخد اجازة لأنه كان نفسه يقضى يوم فى البيت معاهم ومع مراته 

فجاه جه جواب بإسم مراته ..

دفعه الفضول انه يفتحه ويشوف في ايه ..

لقاه طلب عاجل من المستشفى بالاتصال بيهم للضرورة

اتصل بالمستشفى .. وكانت المفاجأة

يا فندم .. زوجة حضرتك المفروض ترد علينا ضروري ..

هتعمل عملية استئصال الورم ولا لأ

الدكتور المعالج قدامه يومين ويسافر

وفرصة نجاح العملية لو حد غيره هو اللى عملها ضئيلة جداً

كان بيسمع الكلام ده .. وشريط بيمر قدام عينيه

يومين ويسافر ؟ .. هم اليومين اللى فاضلين فى المهلة

الدوا ماكانش مسكّن للصداع ..

دا كان مخدّر عشان تقدر تتعايش مع الالم

رد عليهم وقال لهم .. انا بأكد الحجز .. وقفل معاهم

وقام يجرى على مراته .. ودموعه بتجرى قبله وقلبه حزين


وطّى على ايديها وباسها .. حست بيه وصحيت

قامت من نومها مخضوضة عليه .. مالك .. فيه ايه ياحبيبي ؟


قال لها ..

خبيتى عليا ليه انك عيانة وهتعملي عمليه  ..

ازاى تختارى انك تعيشى الشهر المهلة بالطريقة دى ..

بدل ما تختارى انك تتعالجى

قالت له ..

ايه فايدة انى اخف .. وافضل عايشة لوحدى وانت بعيد عننا

انت اصلك كنت واحشنى جداً جداا

الشهر اللى عشته معاك .. كان احسن مكافأة نهاية خدمة ليا ومش عاوزه حاجه تانيه من الدنيا 

قال لها ..

وحياة كل شعرة بيضا .. طلعت فى راسك جوا بيتى ..

وحياة ولادى اللى ماحسيتش عمرى بتعب فى تربيتهم ..

عشان كنت سايبهم لك لوحدك ..

وحياة سنين عمرك وشبابك اللى راحوا عشاننا..

وانتى ساكتة وعايشة عشان خاطر البيت والولاد ..

وحياة كل حباية مسكّن اخدتيها .. وانا مش حاسس بتعبك

ربنا يمد فى عمرى .. بس عشان اعوضك اللى اخدته منك

خرجوا جرى ع المستشفى ..

خلصوا التحاليل والأشعات المطلوبة

والعملية اتعملت ونجحت ..

بس النجاح الأكبر والاهم  ..

كان فى حياتهم اللى ابتدت بعد العملية ..

الاستفادة الحقيقيه من قصتنا 

لو بيتك نضيف .. وولادك متربيين كويس علي الخلق والاحترام ..

لو هدومك نضيفة ومكوية ومنظمة  .. ودولابك ريحته حلوة ..

لو شراباتك موجودة فى مكانها .. وكتبك مافيش عليها تراب ..

لو كل حاجة من حاجتك بتدوّر عليها وتلاقيها في مكانها  ..

وبتاكل الاكل اللى نفسك فيه .. وبيتك في امان ومالك محفوظ 

يبقى تأكد .. ان مافيش قوى خفية بتعمل كل ده

اللى بيعمل كدة .. مراتك 

يابختك لو لسة عندك فرصة تراجع نفسك بسرعة ..

يا بختك لو قادر تاخد قرارك .. انك تعيش ابوّتك صح مضيعهاش ..

يا بختك لو عرفت تفتح عينك عشان تشوف الحقيقة بوجهة نظر تانية وسريعه وتراجع نفسك..

يابختك لو عرفت تعمل كل ده .. صدقنى هتفرح أكتر واكتر 

عارف ان الدنيا صعبه ومشاكلها كتير والحياه مغامرات وتعب بس النجاح هو انك تحافظ علي ببتك وتعيش معاهم وتكون لهم سند 






مواضيع اخرى قد تهمك مكتبة كتب وقصص وتطبيقات شاملة 



شكرا لكم على متابعتنا الحصرية لكل جديد على موقع اجيال الاندلس.

  • موقع اجيال الاندلس هو موقع تعليمي وتثقيفي وترفيهي وتربوي وشامل لكل جديد وحصري ومفيد لكل فرد بالأسرة  وستجد فيه كل ما تحتاجه  يمكنك زيارتنا فى اي وقت للاستمتاع معنا بقراءة بعض المقالات الحصرية والجديدة من خلال امهر كتاب المقالات فى الشرق الاوسط.
  • موقعنا يعد من اكبر مواقع التعليم فى مصر وفى الوطن العربي حيث لدينا الكثير من المناهج التعليمية الحصرية.
  • موقعنا موقع تفاعلي  يصل الي كل فرد من حيث ميول واهتمامات  كل فرد 
  • نسخّر التكنولوجيا وتقنيات الذكاء الاصطناعي لتسهيل الحصول على المعلومة باللغة العربية، والوصول لخدمة أكبر عدد من المستخدمين وتزويدهم بأفضل محتوى الكتروني عربي
  • تصفح داخل موقعنا الان لمشاهدة المزيد من نماذج المراجعة ونماذج الامتحانات الخاصة بالمراحل:
يمكنك زيارتنا على صفحتنا على الفيس بوك من خلال الرابط التالي.صفحه اجيال الاندلس 
 مع تحياتي لكم جميعا ::مقدمه لكم :: اسامه رزق عامر














عن الكاتب

اجيال الاندلس موقع اجيال الاندلس هو موقع تعليمي وتثقيفي وترفيهي وتربوي وشامل لكل جديد وحصري ومفيد لكل فرد بالأسرة وستجد فيه كل ما تحتاجه يمكنك زيارتنا فى اي وقت للاستمتاع معنا بقراءة بعض المقالات الحصرية والجديدة من خلال امهر كتاب المقالات فى الشرق الاوسط. موقعنا يعد من اكبر مواقع التعليم فى مصر وفى الوطن العربي حيث لدينا الكثير من المناهج التعليمية الحصرية. موقعنا موقع تفاعلي يصل الي كل فرد من حيث ميول واهتمامات كل فرد نسخّر التكنولوجيا وتقنيات الذكاء الاصطناعي لتسهيل الحصول على المعلومة باللغة العربية، والوصول لخدمة أكبر عدد من المستخدمين وتزويدهم بأفضل محتوى الكتروني عربي تصفح داخل موقعنا الان لمشاهدة المزيد من نماذج المراجعة ونماذج الامتحانات الخاصة بالمراحل: (المرحلة الابتدائية _ المرحلة الاعدادية _ المرحلة الثانوية _ بعض اخبار التعليم الحصرية). يمكنك زيارتنا على صفحتنا على الفيس بوك من خلال الرابط التالي.صفحه اجيال الاندلس يمكنك متابعتنا على قناتنا فى اليوتيوب من خلال الرابط التالي.قناة اجيال الاندلس و قناة اجيال الاندلس منوعات

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

عن اجيال الاندلس

أرشيف المدونة الإلكترونية

إحصاءات المدونة

جميع الحقوق محفوظة

اجيال الاندلس

|